Gleðilega Páska!

jámm…Gleðilega páska þið fólk sem staldrið hérna við á síðunni

Sjálfur ætla ég að éta páskaegg, nóa egg eru vond!

Auglýsingar

Ég sakna…

Já, það er margt sem ég sakna, meðal annars:

Þegar ég, Benni og Billi fórum á hverjum degi í Bónus og keyptum okkur ógrynni af nammi..fedeboller

Þegar það var fótbolti í hverri einustu frímínútu

Boston public…vá hvað ég var hooked á þeim:o

Ég sakna þess að hafa gaman af barnaefni..

ég sakna þess að vera ekki í dönsku

ég sakna þess EKKI að vera í líffræði

Jæja

Jæja, eftir ansi erfiðar og leiðinlegar vikur er að koma mjög mjög langþráð páskafrí. Ég er ekki enn búinn að kaupa mér páskaegg en mér líst vel á Rís-eggið, mmmm rís

Svo er ég búinn að fá nýjan síma, klöppum fyrir því. Kann samt ekki að breyta talhólfinu mínu, en það ku vera miður smekklegt(roooooop)

Og svo virðist sem bekkurinn minn leysist upp í öreindir á næsta ári. 6 hættir nú þegar(byrjuðum 28) og það virðist sem þónokkrir ætli að skipta um skóla/hætta/taka sér frí. Auk þess sem tungumálin skipta bekknum upp og kjörsviðin. Sjálfur ætla ég mér að vera áfram í MS á félagsfræðikjörsvið, sé fram á betri tíð með blóm í haga(*trúdd broskall hér*)

Svo er ég að leita að honum Trausta Guðfinnssyni. Hann var bekkjarbróðir minn og einn besti vinur í gamla daga en svo flutti hann og sagði engum frá því hvert hann fór. Einn daginn var hann bara farinn. Kannski munið þið eftir honum, mjög stór, með freknur og stór hermannagleraugu. Átti Super Nintendo tölvu og foreldrar hans reyktu og reyktu. Og við Óli ætluðum að peningaplokka hann með því að setja ofurvexti á Mars stykki sem hann átti að hafa skuldað okkur. En hættum þó við það allt saman(þetta var notabene í fjórða bekk, snjallir piltar þar á ferð)

Rétt upp hönd sem verður ekki í sama skóla á næsta ári?

Fyrirsögn á pósti

Vá hvað ég hata það þegar öll heimavinna og allt sem þarf að gera leggst á eina viku. Reyndar eru þessar búnar að vera tvær og hefur það haft sín áhrif á skapið mitt.

Komst að því að ef utandeildarliðið Hrútur yrði að veruleika yrðum við langyngsta liðið. Eftir stutta athugun þá sýndist mér flestir í utandeildinni vera komnir yfir tvítugt og það voru heilir tveir eða þrír sem voru undir tvítugt þarna. Þannig ef að liðið okkar með 20 sextán-sautján ára drengjum yrði það langyngsta þarna. En það væri gaman að prófa.

Svo er hún Hildur Vala orðin Ídol stjarna. Var fullviss um að hún væri best eftir að ég sá þessa
frammistöðu hjá henni, mun flottari en orginallinn(Með George Michael).

Hef mikið verið að hlusta á dúettinn Súkkat upp á síðkastið. Frábært band sem fólk ætti að kynna sér (sömdu lögin góðkunnu Kúkur í lauginni(sem fær aldrei bréf) og svo Vont en það venst))

Svo er þetta verðstríð alveg gaga, keypti 2 kíló af vínberjum á 24 krónur. Gaf smáfuglunum góðan skerf, en vínber er bestóhalds ávöxturinn minn:D (mæli líka með Vínberjum í pulsubrauði…mmm, hljómar undarlega en er frábært)